انا المنبوذ من قلبك | بقلم الأديب المصري محمد عسكر
انا المنبوذ من قلبك .
انا المطرود من عطفك .
انا الفكرة إللى رافضها عقلك .
انا العصفور اللى رفضه تسقية من نهرك .
انا الغنوة إللى نقصها لحنك .
انا اللى لو قلتى بحبك هقولك كلام لا سمعته واحدة قبلك ولا بعدك
انا مركب نقصها شراعك .
يعدل طريقى فى الغربة اوصل شطك .
انا كلك انا بعضك انا اللى لو سالت دماكى هتلقينى فى شراين كفك .
انا بختك.
انا سعدك انا سرك .
انا نقطة ومن اول السطر يكتب عنه قلمك بس لو ترضى . ومبقاش انا المعزول وانا المخلوع من صدرك .
دنا حضنك انا عزك انا سندك .
ليه تستخسرى فيا شوية دقائق من وقتك .
دنا فى بدوب فى كل تكوينك فى لون عينك ولون شعرك .
ملاك انا شايفك .
مليش ذنب فى اللى خانوكى .
والى باعوكى واللى قتلوكى .
منا ياما اتخنت ذيك .
بس حبيتك وعزيتك ونسيت مرار كل الى كانو قبلك .
مهو حبك ينسى القسية .
يلين القلب يصلح النيه .
لكن اوعدك مش هستسلم ولا هرضى لقلبى الاذية .
هكون فارس محارب حالف ما يخسر جولته فى حبك ولازم ينتصر بحبه ليكى قصاد قساوة قلبك .
ياالا هيكون غراب يطير فى العالى ينوح وهو شايفك ميته فى قلبه وواقف يشاهد دفنك.
Post A Comment: