سجن النبي يوسف عليه السلام
بقلم د. شريف شعبان
بس حد يعرف السجن ده موجود فين دلوقتي في مصر؟!
النبي يوسف عليه السلام عُرف بإنه رجل الأحلام بداية من طفولته، إلا ان اشهر أحلام لما كان في سجن مصر، بعد ما زوجة العزيز لزيخة شهدت عليه زور بإنه حاول يغرر بيها، وكانت زليخة وزوجها من الهكسوس والنبي يوسف عاش في فترة حكم الهكسوس.
أما السجن اللي سكن فيه النبي الكريم، مفيش اي دليل أثري عليه، إلا إن أقرب الاحتمالات إنه في منطقة سقارة في مكان أصبح مغطى أغلبه بالرمال جنب هرم الملك زوسر. علشان كده في ناس كتير بتربط بين النبي يوسف وبين الملك زوسر خصوصاً إن الاتنين حصل في عهدهم مجاعة كبيرة.
ناس كتير من أهل منطقة سقارة بيعتبروا منطقة سجن النبي يوسف مكان مبارك لإن الوحي زاره أكتر من مرة في السجن.
وزي ما قولت مفيش أي دليل أثري سابه المصريين القدماء على قصة النبي يوسف أو أي نبي زار مصر في حين أن مصدرنا الوحيد عن القصص الدينية هي الكتب المقدسة (العهد القديم و القرآن الكريم) وده لإحتمال أن اغلب الأنبياء زاروا مصر في عهد الهكسوس.
Post A Comment: