حد يعرف مناخير أبو الهول وقعت ازاي؟!
بقلم د. شريف شعبان من كتابه (أشهر خرافات الفراعنة)
اللي يطلع ورقة ب100 جنيه حيشوف على ظهرها الراجل الكبارة اللي اسمه ابو الهول بس محدش يعرفف مناخيره وقعت ازاي
في مصادر قديمة بتتهم نابليون بونابارت إنه لما حارب المماليك في مصر في معركة الأهرام قذيفة طايشة ضربت وش أبو الهول ووقعت مناخيره، أو ان جنوده كانوا بيتدربوا عالنشان على مناخير أبو الهول
في مصادر تانية بتقول إن دي عملة واحد صوفي مغربي متشدد اسمه صائم الدهر في العصور الوسطى اللي شاف أبو الهول مظهر من مظاهر الوثنية لازم تدميره، لإنه شاف الستات تتبرك به وتقدم له النذور فراح عنده وطلع قدام وشه وكسر مناخيره، لكن عاصفة ترابية منعته فطلع يجري والناس ساعتها قالت ان ده غضب أبو الهول!
لكن في الحقيقة الرأيين غلط، لإن بونابارت زار مصر سنة 1798، في حين إن في رسام دنماركي اسمه فريدريك لويس نوردن عمل رسمة لأبو الهول في 1737م، واتنشرت في 1755م، يعني قبل 61 سنة من تاريخ حملة نابليون على مصر، وقبل ولادة بونابرت نفسه بـ32 سنة.
أما قصة صائم الدهر، فمفيش سند علمي أو مصدر بيأكد اللي عمله غير حواديت المقريزي والمسعودي اللي تعتبر حواديت اكتر منها مصادر علمية!
متخليش حد يضحك عليك ويقولك ان حد ضرب مناخير أبو الهول
Post A Comment: