هيثم السيد Hithem El Sayed
صاحب عربية الحواديت
من سلسلة (أبطال منسيون) بقلم د. شريف شعبان
الشاب الجميل ابن الشرقية اللي اتربى على الحواديت وعايز يوصلها لكل الأطفال. هيثم مدرس الانجليزي كان عنده حلم إنه يخلي كل أطفال مصر تقرأ، وبدأ بجزء من وقت حصته في حكاية حواديت لتلامذته وكرس وقته في اللف على قرى مصر ومعاه قصص للاطفال يقراها لهم معتمد على طريقة الحكي. بدا هيثم بكتب من مكتبته ياخدها ويلف بيها بعربيته الخاصة الصغيرة سماه مشروع عربية الحواديت في رمضان 2015 يلف على قرى الشرقية ومنها انطلق لبقية محافظات الجمهورية وكوّن فريق عمل من الشباب يلف بيهم على الأطفال ونجح إنه يوزع 46 ألف كتاب مجاناً، ونظم 92 ورشة حكى، و82 ورشة رسم وتلوين في 11 محافظة، ورغم توقف المشروع سنة 2017 بسبب توقف الهيئات الحكومية عن مساعدته ومده بالكتب إلا إن صوته وصل للمسئولين عن طريق عدد كبير من الصحفيين والمثقفين وحصل على عروض تمويلية ومساعدات كتير علشان يقدر يكمل مشروعه العبقري، وتكلل مجهود هيثم بتكريم رئيس الجمهورية له في مؤتمر الشباب 2019 وفاز بالمركز الأول فى جائزة معرض القاهرة الدولى للكتاب 2018. والسنة دي هيثم كتب برنامج حلو للأطفال اسمه "يونس وزيتون" على قناة DMC.
حلم هيثم مستمر طول ما في ناس زيه مؤمنين بقوة الشباب والقراءة والفكر حيساعدوه.
Post A Comment: