(سامحيني)
شعر عامي بقلم الشاعر أ. محمد رضوان
بحبك بس مش عارف أكون لك
يا حبيبتي حبيب
وعارف قد ايه قلبك شارينى
وانتى ليا طبيب
وسكنانى كما المجذوب
معاكى بادوب
وفى غيابك لا انا كاتب ولا مكتوب
على سلم هوى العشاق انا واقف
وكل ما قول أنا مفارق
يخدنى عشقك السارق
ومش عارف
اخرج نفسى من دوامت المجاذيب
لانى بجد ف جذب وشد
بحبك بس مش عارف أكون لك يا حبيبتي حبيب
بحبك بس فيه جوايا صوت رافض
وكل مااقربك منى
واحن اليكى وتحنى
ياخدنى وفجاءه نتباعد
وميت تفسير بيحضرنى
واقول قلبك بيعشقنى
ونفس الوقت بيخونى
وفى علامات وبعض حاجات
وشك ودك فى ضلوعى
واصبح كل موضوعى
وموجوعى
بحبك بس مش عارف أكون لك يا حبيبتي حبيب
بحق العشره والايام تصارحينى
وانا مسامحك لو بالفعل خنتينى
بكل سلام راح ارمى سلام على قلبك
واسيبك وانتى نور عينى
انا عارف عشقتينى
وشلتينى على راسك
كتبتينى فى كراسك لمستينى باحساسك
لكن اسف
انا جوايا مش عابد ولاناسك
انا جوايا حد بيرفضك جدا
ياوردا
عطره يسرى ف شرايينى
فسامحيني لانى باسيب
بحبك بس مش هاقدر
أكون لك يا حبيبتي حبيب
Post A Comment: