يا محسنين الغرام..
بقلم الشاعر محمد محمود الراوي
أنا المسكين
طمعان ف حب يعيش
بالحب ايوا بعيش
وإيديا ممدودة
لعيون ما بتشوفنيش
يا محسنين الغرام
أنا الكلام لما بينطق
لما بيسكت
وف حضني ينام
أنا الحروف لما تسافر
من بين إيدي
زي سرب حمام
أنا ف الحب
شوق لحنين
أنا عشق لعيون
حلوين
أنا لو حبي غاب عني
اتوه واسأل
عليا أنا مين
أنا مش حب
عاش اليوم
وبكرة يكون
دا كان أحلام
أنا للحب أمد إيدين
أنا للحب أعيش خدام
أنا آخر صادق ف الحب
ما كان حبي
ف يوم أوهام
يا محسنين الغرام
Post A Comment: