محطات.. مذكرات شخصيةحدثت بالفعل..
بقلم الكاتبة منال عاطف
بعد نتيجه الاعداديه
امي قالت تدخل ثانوي صناعي عشان دي مش بتاعت مذاكره وجابت الملف ايمان صحبتي بكلمها شتمتني عشان مش هدخل معاهم ثانوي نزلت قولت ل بابا بصوت واطي ومن ورا ماما عايزه ادخل ثانوي قالي حاضر و فرح و قام ولع ف الملف و راح جاب واحد ثانوي وقال لماما من ورايا تدخل ثانوي وتجيب اي مجموع حتي لو نزلت سنه مش مهم اهي اصلا دفعه خامسه وشالو منها سنه
دخلت الثانوي و انا مش بحب المذاكره اصلا
نجحت ف أولي ثانوي طبقو علينا نظام الثانويه الجديد و التحسين و كده عديت ف تانيه، بابا اتوفي وانا ف اللجنه ف تالته ثانوي كملت و نجحت بس من غير مجموع
كان قدامي حقوق انتساب و خدمه اجتماعيه
قدمت خدمه اجتماعيه ٤ سنين .ابن عم ماما قالها حولي لها معهد متوسط عشان تشتغل بيه .حولت .واخدته وطلعت التانيه علي دفعتي جت مسابقه عاطف عبيد.
قدمت فيها اخر يوم في التقديم أل هوه بعمل ال عليا اهو. ب إلحاح من امي
و الحمد لله بعد ١٠ شهور جالي جواب التعين
خلصت الورق و جيت استلم الشغل. طلع ف الاداره قدام بيت أبويا. يعني مش همشي عشر خطوات حتي
ربنا كرمني ب الحاج محمد النشار مدير لينا و اب اكتر من أنه مدير وجوده شجعني اني اكمل دراسه عشان اغيرالمسمي الوظيفي لنفسي و ساعدنا كتير انا وزمايلي
بعد ما ولادي دخلو المدرسه و اخر واحد الحضانه قررت اكمل .واخد بكالوريوس خدمه عشان اترقي روحت قدمت
ودخلت تانيه خدمه اجتماعيه وخلصت تلت سنين
و خلصت ٢٠١٣ و قدمت ورق الدوسيه و سويت و بقيت من مشرفه اجتماعيه ل اخصائيه اجتماعيه
وشويه بقيت رئيسه قسم والحمد لله
واتمني أن أحضر دبلومه ف علم النفس الاجتماعي
كل دي محطات. مريت بيها .
الحمدلله. علي عطاء ربنا و كرمه معايا
ربنا رزقني ب ناس. كانت سبب ف تغير محطات حياتي
والحمدلله.
ربنا ديما اختياراته فيها الخير لينا..
Post A Comment: