(حُب الأمان) 
بقلم الكاتب أ. فتحي يحيى
فيه نوع من الحب إسمه حب الأمان
لما يكون فيه حد بتحب تشاركه فى كل حاجة وعايز تحكيله عن اى حاجة فرحتك أو ضايقتك
حد بتحس بيه من غير مايتكلم وتبقى عايز تعمل أى حاجة تفرحه
تبقى عايز تقضى أطول وقت معاه وتشتاقله جداً لو غاب عنك وتحس إن فيه حاجة ناقصاك
حد تحكيله أسرارك وتفضفض معاه وانت مطمن إنه عمره ماهيبجى يوم ويفضح سرك
حد تديله ضهرك وإنت مطمن وتبقى متأكد إنه هيرد عنك فى غيبتك
حد أول ماتشوفه تبقى عايز تحضنه وتبوسه وتطبطب عليه
هو أول إنسان ييجى ف دماغك فى أى حاجة تحصلك
حد بيتجاوز عن هفواتك ومش بيقفلك ع الواحدة
حد ممكن تعمل عشانه أى حاجة حتى لو مش بتحبها بس عشان تخليه مبسوط
حد تحس إنه بيغنيك عن ألف صاحب
تبقى عارف ومتأكد وفرحان إنه موجود فى حياتك
الإنسان ده إنت بتحبه عشان فيه الصفات اللى خلتك توصل معاه أعلى درجات الحب
حب الأمان
أنا عندى صاحب كده
Post A Comment: