(ياابن آدم خَلَى بَاَلك) شعر عامي بقلم الشاعر أ. محمد عنانى..

(ياابن آدم خَلَى بَاَلك) 

شعر عامي بقلم الشاعر أ. محمد عنانى.. 

ياابن آدم خَلَى بَاَلك

من كَلَامك أو فِعَالك

واتَعِظ مِ اللى جَرَالَك

واللى غَيَر لَك فى حَاَلك

لَمَاَ يوم تَاَه بِيك خَيَاَلك

قُمت قَطَعت ف وصَاَلك

وانقَطَع حتى سُؤَالك

عن أخوك وامك وخَالك

والا ابَوك حتى الِلى شَاَلَك

وانت فِى الَلفَهَ ودَعَاَلك

يِجَي يوم ويشِيِل عِيَاَلَك

وانشَغَلت بكُتر مَاَلك

وافتريت وزاد ضَلَالَك

والشيطان غَوَاك وجَاَلَك

وف طَريقُه كان رِحَاَلك

وانت لِيه سَلِمت حَاَلَك

والنهايه إِيه جَرَاَلَك

إِصحَاَ فُوق وارجَع لِرَبَك

توب إليه من بحر ذنبك

والشيطان مَاَيعُودش صَاَحبك

والوِصَاَل يرجع لأهلك

ولجيرانك ولحبايبك

ولصحابك ولقرايبك

اللى وقت الشده جنبك

===============