(خصامك حلال)
بقلم الشاعر أ. فتحي يحيى
بقول بس يعنى
لصاحبى اللى باعنى
فراقك وجعنى
عشان كنت فاكر خصامك محال
رواسى الجبال
كلتها الرحايا
ماسابت بقايا
كإن الحكاية
بتقفل نهاية
على عشرة غرقت ف بحر الرمال
خصامك حلال
اتارى السنين
ميزانهم يومين
ومات الحنين
حقيقة بتكذب كتبها الخيال
على أى حال
مكانك مكانك
ف كسرك وشانك
ولو حد هانك
هكونلك أمانك
ف وقت الشدايد يبان الرجال
إجابة و سؤال
Post A Comment: