(سيبو ولادكم يجربو و يختارو) بقلم الكاتبة منال عاطف

(سيبو ولادكم يجربو و يختارو) 

بقلم الكاتبة منال عاطف

مين فينا معاه صك السعاده 

مين فينا معاه صك راحة البال 

مين فينا ضامن وجود الناس ف حياته 

اقولك مين معاه كل ده 

الاهل. 

الاهل معتقدين أنهم معاهم صك السعاده والضمان الأزلي لحياه ولادهم و أنهم هما الوحدين ال فاهمين الدنيا و أن 

مش من حق ولادهم أنهم يجربو و يقعو ويقومو بنفسهم .

احتكار المعرفه عل نفسهم و احتكار الرأي علي نفسهم بيخلق جيل هش عديم المعرفه وعديم المسؤوليه

ما ننكرش أن الآباء و الأمهات اكتر خبره و اكتر معرفه واكتر حاجات كتير..  بس الأكتر دي جات منين؟ 

ماهي جات من.. التجربه و المواقف و ممارسه اشكال الحياه و اكتساب وتبادل الخبرات 

سيبو ولادكم يجربو و يختارو و يعملو ال هما مقتنعين بيه طالما ف إطار العقيده والأدب و الاخلاق 

سيبو ولادكم تختار حياتها وترسمها وتلونها ب الوان هما ال اختاروها سيبوهم يتحملو المسؤوليه. بصو عليهم من بعيد وأسندوهم وقت الوقوع.. 

خليهم ينجحوا في ال اختاروه و شافوه 

هيبقوا وصلوا ل السعاده ال حلموا بيها 

بلاش تبقو ديكتاتورين مع ولادكم .بلاش تخنقوهم 

هما مش لازم يبقو نسخة منكم . هما استثناء ل شخصياتهم .بلاش تطلعو اجيال. مرضي نفسيين 

عشان اصراركم انكم الصح وهما الغلط. 

انتو اهلينا و قولتو علينا مش نافعين ونفعنا

 بالتجربة و الممارسه و التعامل

 وتبادل الخبرات و المسؤوليه أما اتزرعنا فيها 

ما احنا مش دائمين ف حياه بعض.

محدش بيعيش ف جلباب اهله.