و فين فين ديك الايام
كنا نتلاقاو
و كان ما حلاه كلام
البلبل يغني
و ينشد معاه الحمام
فين ديك الايام !
مني نتفكرها نقول
كنا عايشين في حب وسلام
عرفنا بقيمتها
و ليت نشوفني طايرة
غير بالمنام .
جنحي تكسر و فالقفص تحبست !
واش انا هاذي
ولا راني عايشة بالاحلام ؟
الحرية جنة
كنا ناكرين النعمة
ندوسو عليها بالاقدام
تحرمت نشوف حبابي
تحرمت نعنق الميمة
من قبل بخاطرنا قطعنا الارحام
شفنا العيب والمنكر بعينينا
عشنا الظلم و ماكنا نفرقو
بين الحلال و الحرام
هاذي عبرة لينا نراجعو نفوسنا
و نطلبو ربي يهدينا
طريق الثوبة واضح
لاش لاش نبقاو عايشين في الظلام
اييه يا الايام اييه يا الايام
من قال الحمامة كانت تطير زمان
مبقيت نشوف الطير يغني ليا
واش معقول الحمامة تقدر تنسى حنان؟
خوتي خواتاتي تصنو ليا
كلمة نكولها و نعاودها
الخير ما يموت
غنيو بكل اللغات للانسانية
Post A Comment: