مقال بعنوان (توقع الأسوأ حتي لاتغرق في بحر الأحلام) بقلم منة عبدالحميد إعلامية و كاتبة من مصر

 اللي بيضمن حاجه في حياته بيخسرها 

- لو ضمنت استمرارك في شغل معين هتبتدي متشتغلش بضمير ومتعملش اللي عليك و واحده واحده شغلك هيبوظ وهتخسر الشغل دا..

 - لو ضمنت وجود مامتك وباباك مش هتفكر ازاي ترضيهم ومش هتفكر في غضبهم ومش هتفكر فحرمانك منهم لـ وقت معين وهتخسرهم وهتخسر دنيتك وأخرتك..

- لو ضمنت انك تفضل تضايق في شخص معين وتأذيه وانت عارف انه هيسامح في االآخر وهيفضل معاك تدريجي هتخسره ومش هتلاقيه في حياتك..

- لو ضمنت حبيبتك وحبها ليك وإنها ممكن متقدرش تستغنى عنك هتبدأ تهملها وتعاملها ببرود ومش بعيد تخونها لإنك عايز تجرب إحساس واحد بيجري ورا حاجه مش مضمونه وصعبة المنال بعيدآ عن الإنسانه المضمونه اللي صايناك وبتتمنالك الرضا، وتلقائي بالتدريج هتبدأ هى تحس بعدم تقديرك ليها وهتحس بقيمتها أوي اللي انت متستاهلش ربعها وهتبعد وتختفي من حياتك ومش هتفكر للحظه تبصلك وهتخسرها برضو..

.

دايمآ متتعاملش مع أي حاجه في حياتك على انها ثابته ومضمونه لإنك من غير كلام هتخسرها مهما كانت هي إيه ومهما كنت انت بالنسبالها ايه..!!

جرب تتعامل مع الحاجه اللي معاك على انها ممكن في أي وقت تروح منك ؛ جرب تتعامل مع الحاجه دي وكإنك آخر مره تتعامل معاها وآخر مره تشوفها أو تلمسها

(مجرد الإحساس بالحاجه انها مضمونه اعرف ان دي بداية الروتين وبداية الملل ,, وكمان بداية النهايه).