ياوطن للريح تعليلك
وللجهات المبهمة سرّي
ليه لو تتمايل نخيلك
ينكسر ظلك على صدري!
كثر ما وسعت مجاهيلك
ما يتوه بساحتك صبري
كلما ضاقت أغنيلك
واحطب شجونك على ظهري
--
ياوطن غني مواويلك
لي حناجر عنك ما تسري
لو بعد صوتك تناديلك
تزرعك برياحها وتذري
--
بين اصابيعي وقنديلك
كل يوم ارحل ولا تدري
تشرب عروقي تفاصيلك
وتمطرك هتان في سطري!
--
ياوطن للريح تعليلك
وللجهات المبهمه سري
ليه لو تتمايل نخيلك
ينكسر في ظلها صدري؟!
Post A Comment: