حمام اسكندراني
بيعزف نغم غاوي سهر
بيعشق الغرام تحت المطر
ويهدي ورد ويزرع شجر
ويعلم الهوى للي قلبه حجر
حمام اسكندراني
بيرفرف على وش القمر
بيفرح للي جاي من سكة سفر
حمام اسكندراني
بيقول للبشر اللقا قدر
متحسدوش العاشقين
دا الحب أمر
حمام اسكندراني
بيضحك للبنت و للولد
إللي خد إديها يوم م اتولد
والوعد انكتب والحمام شهد
حمام اسكنداني
بيزغرد للسمرة الجميلة
أم رموش طويلة وكحيلة
قاعدة وسط الزينة
وحببها غنى لليلة
حمام اسكندراني
بيرقص للناس و للجيرة.
وفوق الشراع والموجة
بيبدأ قصة جديدة
لقلبين
واخدهم الكسوف والحيرة.
حمام اسكندراني
بيعزف نغم غاوي سهر
بيعشق الغرام تحت المطر
ويهدي ورد ويزرع شجر
ويعلم الهوى للي قلبه حجر
Post A Comment: