الشاعر المهندس السوداني / مصطفي ربيع محمد ادم يكتب زجلًا تحت عنوان "يا وطنا"
حروف اسمك
يا وطنا سكن
جواي
في الروح والفؤاد
بالدم سقيت ارضك
واجيال
الزمان الجاي
فوانيسك
تنور الطريق
الجاي ياوطني
ياوطن قرب قريب لي قلبنا
شيل الحزن من دربنا
ياوطن شلناك في حدق العيون
عشناك اجمل دوزنة
ياوطن
خلدنا اسمك في القلوب
ونفشنا صورتك
وسطنا
يا وطن الفك
امل جاي وجميل
ياوطن لامك
لقيت فيك الحنان المستحيل
ياوطن سينك
سحابة خير تنقط من سماك
ياوطن واوك
وداد لي كل زول عشقك كتير
ياوطن دالك
دماك وجارية جوة قلوبنا نيل
ياوطن
دالك دماك وجارية جوة عروقنا نيل
ياوطن
الفك
يدل علي طيبة الناس الفيك
ياوطن نونك
نسينا الحسرة والاسي والعويل
ياوطن
شافوك اجمل من جميل
ياوطن
ياك سودانا وكفا نهواك في العينين
نشيلك ياوطن
تحية لهذا الوطن الحبيب السودان
Post A Comment: