الشاعرة المصرية / حنان عيد حسن تكتب "القضيه"
................
مسلم مسيحي دي الحكايه
لا الحكايه دين وفرقه
لا الحكايه هي فتنه
الحكايه تار مابنا وديه
لا مش هي دي القضيه
الحكايه هي واضحه
يقضوا على مصر العفيه
يقضوا ع الأمان هي دي القضيه
تبقى فوضى وايديهم ع الوسيه
هي دي الحكايه و هي القضية
غيرانين من امنا
مجروحين ان مابنا
ود ورحمه ومحبه
واحنا لو قتلونا مسيحي ومسلم
مصر تسلم
مهما شوفنا او جرلنا هي تسلم
مش ولادها اللي يخنوها
استحاله
قالتها مره جدتي لأخوها
لو شفوها هضيع بيشلوها
وبا علم ها بيستروها
ماهو طول العمر محمد جار مينا
اللي جيين يخربوها
مش ولادها
مأجورين
راضعين حقد ومهانه
خِسة وندالة وخيانه
في دمهم بيعيشوا عالة
الاجرام واخدينه غايه
وهي باولادها عفيه
بيعشقوها وباروحهم بيفدوها
وف زحمه التحرير قلوها
عشقين ترابها
ويرفعوا السلاح في وش اللي كرهها
اصل جيشها هو صاينها
أعظم جنود الأرض وربي حارسها
وبحب ولادها حميها
هي دي كل القضيه
تعيشي يامصر ابيه
مسلم مسيحي هما عروقها
ودمهم بيجري ف ارضها مخليها عفيه
هي دي كل القضيه
الشاعرة المصرية / حنان عيد حسن تكتب "القضيه"
Post A Comment: