صورة | بقلم الأديب المصري وحيد عبد الملاك
صورة....
لاقيتها وسط الورق
صورة قديمة من زمن .
كنت صغير عسكرى جيش
قلب ابيض ونضيف
ضحكة صافية وخفيف
ايام حلوه.
قالوا لازم تبقى راجل
تكمل جيش
تفتح بيت
تبقى صاحب عيال وأسرة.
وست تاخد بالها منك.
وكملوا كذب
وكملنا صدق ..والنعمه صدقت.
ووفيت وتعبت
البيت والشغل والجيش
والولاد والمدام...
وراح العمر بين
هات ..وودى ..عالج وعلم ..
سافر الكبير
ورحلت القمر
معجبهاش العمر ولا الناس.
وبقيت تحت جناح الحنين
والدعاء ..
ادعى للغايب و أترحم على الملاك.
منتظر نهاية الحدوته..
لعبة مجنونة..
ضحك على الغلبان.
كان مالى بمرار السفر
كان مالي بلعبة الحرمان.
اه اه يا ولاد.....الوطن
أصدق مافيكم كذاب
انظف مافيكم شيطان.
وانا من غير ذنب
أقسم من غير ذنب ...
أنا أنا ......
الانسان.......
