(ماتيلدا عبد المسيح) أول عازفة بيانو في مصر
من سلسلة (أبطال منسيون) بقلم د. شريف شعبان
تاريخ الموسيقى في مصر عريق جداً بس للأسف قليل اللي يعرفه، خصوصا ان الناس بتركز مع المشاهير منهم بس زي الشيخ سيد درويش والشيخ سلامة حجازي وغيرهم.
لكن من ضمن الناس اللي اثروا في تاريخ الموسيقى "ماتيلدا عبد المسيح"، القبطية اللي لحنت السلام الملكي المصري الخاص بالملك فؤاد.
وزي ما ناس كتير متعرفش كاتب السلام الوطني الحالي، قليل اللي يعرف قصة حياة ماتيلدا اللي كانت أول عازفة بيانو في مصر وأول شرقية تعزف البيانو على قواعد الموسيقى الشرقية، وكتبت قطع موسيقية من تأليفها وقامت بتلحين مارشال استقبال الزعيم سعد باشا زغلول بعد عودته من المنفى ا ومارشال افتتاح البرلمان المصري وأفراح القبة.
قضت “ماتيلدا خمسة وعشرين سنة تعلم الناس فن عزف البيانو, لدرجة ‘نها كانت بتروح الأرياف تعلم فن البيانو لأولاد العمد والبشاوات لإن البيانو كان جزء من اثاث البيت الراقي وكان لازم على بنات الطبقة الراقية إنهم يتعلموا بيانو. ورغم إنها توفت في بدايات القرن العشرين والمعلومات عن حياتها الخاصة قليلة، إلا إنها سابت تراث فني وموسيقي غزير ومهم.
Post A Comment: