الدكتورة ليلى عبد المنعم
من سلسلة (أبطال منسيون) بقلم د. شريف شعبان
واحدة من أهم سيدات مصر رغم انحسار الاعلام عنها، واللي الناس متعرفوش إن الدكتورة ليلى عبد المنعم توصلت لأكتر من 100 اختراع مهم في مجالات متعددة أهمها بحيرة صناعية بها ركائز لإطلاق المركبات الفضائية للقضاء على التلوث البيئي، وإنسان آلي مخصّص للبحث عن المتفجرات والألغام واللي اخدت عليه وسام وزارة الداخلية باعتباره أفضل اختراع مضاد للألغام ومواسير الصرف الصحي المضادة للتآكل وفرن للقضاء على الجمرة الخبيثة واللي الصين نفذته بنفس المواصفات اللي قدمتها لأكاديمية البحث العلمي لكنها سرقته ونسبته لعلماء صينيين، وحوائط التيومين والحديد المنصهر المقاومة للزلازل والصواريخ والصالحة لكل الأبنية على اختلافها واللي حصلت بيه على وسام الاستحقاق من مؤتمر جلوبل السنوي في لندن في مجال الاختراعات الحديثة، وجه ترتيبها الثالث بين كل المشاركين في المؤتمر.
وبعد حصولها على الوسام، تسابقت الشركات الإنجليزية والألمانية في التعاقد معاها لتنفيذ مخترعاتها، وبالفعل تعاقدت معها شركة إنجليزية على 22 اختراع اتنُفِّذ منه 17 اختراع موجودين في الأسواق.
وفي الوقت اللي العالم كله بيتكلم عن ليلى عبد المنعم إلا إن مع ذلك مفيش أي جهة أو شركة مصرية تواصلت معاها لتنفيذ اختراعتها، ورغم تقديمها لاختراعتها لاكاديمية البحث العلمي إلا إنها محصلتش على أي براءة اختراع من اختراعتها لحد دلوقتي.
Post A Comment: