أنا اللي علمتيني أكون راجل
لا أتلوى ولا لساني يقول الآه
ومهما الطعنة تقتلني
أموت زي الحصان واقف
و قلبي يكون برغم القهر زي الحديد ناشف
أقولك إيه ودمعي اللي كتمته كتير
بيكسر سدود العين ويخطي كأنه بحور
بتيجي منين قوليلي يا أمي مش عارف
أنا اللي طول العمر
في عز الليل وعز الفجر
وعز الضهر
باندهلك بنبض القلب
وفي حلمي وفي سهري باندهلك
ولما اتعب بأقول يا أمي
ولما أفرح أقول يا أمايا
وأستنى في ردك بطول العمر
أعيش ازاي وانا عارف
بأن ندايا برغم بكايا حيتبدد
ومهما حاولت ألمه مني بيتبعتر
ودمعي يثور كبركان بقاله سنين ساكن
الاقيه في قلبي وروحي فجأة يتفجر
أنا صابر وحاستناك رغم رحيل الروح
وانا قابض على قلبي لهيب الجمر
Post A Comment: