...............................
أبو أنس يانور العين
متلك ما لقينا درة
تضوي علينا بعتم الليل
وعجبين الدهر غرة
متل الكرم بوسط الدرب
بتسقينا القهوة مرة
وبيتك والله بيت العز
صادق والكلمة حرة
.................
أبو أنس ياكبير كتير
إنت القمر بالعالي
وإنت المزن والغيمات
بتسقي كروم الدوالي
إيدك ممدودة للخير
وإنت شخص مثالي
وقدوة حسنة بين الناس
وأخلاقك دهب غالي
................
أبو أنس نحنا جايين
قوم وشرع أبوابك
وافرش هالأرض بزهور
وانثر عطرك بعتابك
خلي شموع الليل تئيد
جاي لعندك أحبابك
وبهالليلة فرحانين
ولادك أهلك أصحابك
.................
وأنس الغالي يخزي العين
بهالليلة بدر منور
نور بيضوي عالميلين
سبحانه ربي لصور
فهم وذوق بيملا العين
معدنه دهب أصفر
بيلبقله قصر وحراس
وتاج ومملكة وعسكر
................................
ألف مبارك لشقيقي أبو أنس الأصفر عقد قران نجله المهندس أنس بالرفاء والبنين يارب
Post A Comment: